ემა უოტსონი - "სექსუალურობა ჩემში აღფრთოვანებას არასდროს იწვევდა"
ბრიტანული წარმოშობის ახალგაზრდა კინოვარსკვლავი ემა უოტსონი სექსუალური ქალის იმიჯით არასდროს იწონებდა თავს, მას "ჰარის პოტერის" ვარსკვლავი გოგონას სახელი სავსებით აკმაყოფილებდა. ცოტა ხნის წინ მსახიობი ჟურნალ W-ს გარეკანზე გამოჩნდა და ჟურნალს ინტერვიუც მისცა. ინტერვიუში 23 წლის უოტსონი ამბობს, რომ დიდი ხნის განმავლობაში ცდილობდა ადრეული დიდებისთვის იგნორირება გაეკეთებინა და ეს მისი ერთგვარი აჯანყება იყო.
"არასდროს მივისრაფოდი, რომ ჩემთვის ისე ეცქირათ, როგორც ქალისთვის, - განაცხადა უოტსონმა. - სექსუალურობა ჩემში აღფრთოვანებას არასდროს იწვევდა".
"ჰარი პოტერის" ბოლო ნაწილის გადღების შემდეგ მსახიობი, რომელსაც უკვე მთელი მსოფლიო იცნობდა, როგორც ჰერმიონა გრენჯერს, ბრაუნის უნივერსიტეტში სასწავლებლად გაემგზავრა და სტუდენტების საერთო საცხოვრებელში სრულიად უცნობ მეზობელთან ერთად დაბინავდა.
"დიდების იგნორირება ჩემი პროტესტი იყო, იუმორისტული გაგებით. დაჟინებით ვცდილობდი დამემტკიცებინა, რომ სრული უფლება მაქვს ვიყო ჩვეულებრივი და ჩვეულებრივი საქმეებით დავკავდე", - ამბობს ემა.
მიუხედავად წინააღმდეგობის გაწევისა, უოტსონი ყველაზე სექსუალური ქალების რეიტინგთა სათავეში არაერთხელ აღმოჩენილა. გარდა ამისა, მსახიობს ჰოლივუდის ვარსვლავთა შორის ყველაზე გემოვნებიანადაც ხშირად ასახელებენ.
მომზადებულია WENN-ის მიხედვით.
